Morgunverðarfundur 30. október á Hótel Sögu

Lykill að samkeppnisforskoti á erlendum mörkuðum
Aðgreining frá samkeppnisaðilum

Þriðjudaginn 30. október efnir Viðskiptafræðistofnun Háskóla Íslands til morgunverðarfundar á Hótel Sögu frá 8.00 til 10.00. Þar munu Magnús Bjarnason framkvæmdastjóri Alþjóðasviðs Glitnis og Þórhallur Guðlaugsson dósent við viðskipta- og hagfræðideild Háskóla Íslands fjalla um aðferðir fyrirtækja við að ná árangri á erlendum mörkuðum
 
Þórhallur mun fjalla almennt um syllu markaðssetningu ( niche strategy ) fyrirtækja og Magnús mun fjalla um hvernig unnið er að því innan Glitnis að ná til markaða sem mörg önnur fyrirtæki líta framhjá. Í alþjóðlegri starfsemi bankans er lögð áhersla á endurnýjanleg orkumál og sjávarútveg og mun Magnús fara yfir hver lykillinn er að því að ná árangri og samkeppnisforskoti á þeim mörkuðum. 
           

Dagskrá:
8:00   Opið morgunverðarhlaðborð
8:30  Snjólfur Ólafsson prófessor setur fundinn
Þórhallur Guðlaugsson, dósent við viðskipta- og hagfræðideild Háskóla Íslands
Magnús Bjarnason, framkvæmdastjóri  Alþjóðasviðs Glitnis
Spurningar og umræður
10:00  Fundi slitið
 
 
 
Fundargjald er 1.500 krónur með morgunverði og er fundurinn öllum opinn. Áhugasamir eru beðnir um að skrá sig á vefsíðu Viðskiptafræðistofnunar á vefslóðinni http://www.ibr.hi.is .
 
Nánari upplýsingar veitir Dögg Gunnarsdóttir í gegnum tölvupóst [e-mail] eða í síma 525-5187.

Athugasemdir

[Ýrin, 29.10.2007 kl. 10:20]

Það munar ekki um það, bara með morgunverðarfund á þínum snærum! Leiðinlegt að komast ekki í partíið þitt en svona er þetta. Og heyrðu, þú veist að þú mátt bjóða þig fram í forsetakosningum þegar þú ert 35, þú yrðir fín þar elskan. Greinilega getur allt sem þú ætlar þér og gerir það með glans. Knús