Berfættur í stígvélum

Hér á eftir er jólatexti sem Erling minn samdi við My Love með Westlife... Hann og tveir aðrir í vinnunni tóku þetta svo upp og útkomuna heyrið þið með því að smella hér;) 

Berfættur í stígvélum
Í desember,
á jólanótt,
mér hugsað er til þín.
Ligg hér einn
og maula jólakökur.
Mér fannst á þér,
Þér væri’ ei rótt
Er fór ég heim til mín.
Heldur seinn
En vertu ekki döpur.
Oh Nei.
Við hittumst fljótt
Og endurfundi eigum
Næðisstund sem njótum þú og ég…

 

Chorus
Myndi arka yfir snjó
Illa klæddur fram með sjó
Yfir læk og stein,
Þú verður aldrei ein - ef ég
Næ að halda hitanum
Berfættur í stígvélum
Bylur byrgir sýn
en hjartað beinir leið – til þín.

Svo ljúf og blíð
Um alla tíð
Þú verið hefur mér
Jafnvel þó
Ég hafi stundum gleymt þér.

Oh no.
Í jólaös
Við hefjum glös
Á loft og fögnum því
Sem betur fór
En horfðist á í fyrstu
Oh yeah
Eitt árið enn
Um garðinn burt er gengið
Það næsta gjarnan eiga vil með þér

Chorus

Sú minning er mér góð
Er lausamjöll ég tróð
Frostið nísti mig
Ég varð að hitta þig

Tunglið lýsti leiðina til þín

Chorus

Mynd… Myndi arka yfir snjó […]

Trúi og treysti því,
Við hittumst senn á ný.

Yfir læk og stein,
Þú verður aldrei ein.

Næ að halda hitanum
Berfættur í stígvélum
Bylur byrgir sýn
en hjartað beinir leið – til þín.

Athugasemdir

[Ásdís (IP-tala skráð) 5.12.2006 kl. 16:52]

Vá ekkert smá flott hjá Erling og co!!! þeir verða að gefa þetta út!!

[Ýr (IP-tala skráð) 5.12.2006 kl. 22:06]

Þetta er mjög flott hjá gæjanum, grípandi texti

Ýr

[Sigríður Elísabet (IP-tala skráð) 6.12.2006 kl. 23:59]

Æði og ég sem er svo mikið WESTLIFE-fan! Ætti svo sem ekki að vera að blaðra því á veraldarvefnum en f-it!

[Lady-Dee, 7.12.2006 kl. 18:22]

..já mér finnst þeir alveg þvílíkt flottir sko:p og SL það er allt í lagi að vera WestLife-fan;)

[Davíð Halldór Lúðvíksson (IP-tala skráð) 8.12.2006 kl. 10:40]

Það myndi hjálpa að geta raulað laglínuna en engu að síður frábært texti, þetta minnir mann bara á mikið sín yngri ár þegar við vorum alltaf að dunda okkur við svona lagað :)

[Erling Ormar Vignisson, 8.12.2006 kl. 14:17]

Davíð - ég man glögglega eftir texta við "Snjókorn falla," sem ég held að sé enn við lýði á Skaganum! Svo áttum við góðan sprett við endurskrift lagsins "Dansi, dansi dúkkan mín" sem ég man þó minna eftir.