Hvað er í gangi?? Stúlka lokuð í herbergi í tvö ár!!

Ég trúi því ekki að þetta sé að gerast á 21. öldinni það var e.t.v. "skiljanlegra" að svona lagað komst ekki upp fyrr á tímum fyrir skólaskyldu. Ég skil ekki að enginn hafi athugað með þetta barn?? Hver gæti ástæðan fyrir svona löguðu verið? Ætli þetta hafi verið örþrifa ráð hjá foreldrum til þess að "sleppa" við unglingsárin og þau óþægindi sem þeim getur fylgt. Sem minnir mig á móður sem kom fram í spjallþætti á dögunum sem sagði að þeir strákar sem byðu dóttur hennar á stefnumót yrðu að borga henni (móðurinni) ef þeir skiluðu dóttlunni ekki á réttum tíma. Dótturinni fannst þetta að sjálfsögðu pínlegt en móðirn var öll að vilja gerð og var þetta hennar leið til að vernda dóttur sína. Kannski var það eins með foreldrana sem lokuðu stúlkuna inni. Héldu þau að þau væru að gera henni gott? Hver veit þau höfðu amk vit a því að fara með hana á spítala þegar hún var að fara yfir um og farin að heyra raddir. Ég vona að hún sé ekki of skemmd og geti lifað nokkuð eðlilegu lífi það sem eftir er. Sorglegt alveg.

Í þessu samhengi kemur í hug mér réttindi sem ég las á annarri bloggsíðu á dögunum:

• Þú átt rétt á að vera þú sjálf/ur
• Þú átt rétt á að komið sé fram við þig af virðingu
• Þú átt rétt á að hafa eigin tilfinningar og koma þeim á framfæri
• Þú átt rétt á að segja skoðun þína og vera ósammála öðrum
• Þú átt rétt á að skipta um skoðun
• Þú átt rétt á að hafa þínar eigin þarfir og biðja um það sem þú óskar þér
• Þú átt rétt á að biðja aðra um að uppfylla þarfir þínar, en þú getur ekki  
  gert ráð fyrir að aðrir muni uppfylla þær. Þeir eiga rétt á að segja nei.
• Þú átt rétt á að segja nei við að uppfylla þarfir annara
• Þú átt rétt á að biðja aðra um að breyta hegðun sem gengur á rétt þinn
• Þú átt rétt á að taka ekki inn á þig erfiðleika annarra og áhyggjur
• Þú átt rétt á að líka ekki vel við alla aðra
• Þú átt rétt á að vera öðruvísi en allir aðrir
  Höfundur: Janne Hejgaard

d.

Stúlka lokuð inni í herbergi í tvö ár

Góður dagur:)

Ég er ótrúlega jákvæð í dag. Þetta er bara eitthvað svo ótrúlega góður dagur, veit ekki hvað veldur. Gæti verið yfirvofandi Londonferð eða það eitt að janúar líður brátt undir lok. Held að flestir séu sammála um hvað jan getur verið erfiður og leiðinlegur mánuður. Jólin búin og alltof langt í sumarið. Ég gæti líka verið spennt yfir því sem við Erling vorum að spá í gær. Ætla ekki að upplýsa það strax hér á blogginu það verður nú að vera einhver spenna. Vísbending: ég er ekki ófrísk.

d.

 

P.s. Þið megið endilega koma með ágiskanir;)

Bloom og Cruz...

..eru sögð nýjasta parið í Hollywood. Orlando Bloom er að sjálfsögðu um það bil fallegasti maður í heimi en ég skil ekkert hvað hann sér við Penelope Cruz, annað en hún er frönsk og fitnar ekki. Hann ætti að slá á þráðinn til hennar fyrrverandi og spyrja hvers vegna hann hætti með henni á sínum tíma;) En hverjum er ekki sama... hahahaha

d.

Bloom og Cruz sögð nýjasta parið

Tekinn..

 

 Við Erling horfðum á Tekinn af netinu í gær. Að sjálfsögðu munum við aldrei hvenær hinir og þessir þættir eru á dagskrá þannig að það er kærkomið að geta horft þegar manni langar.

Mér finnst þessir þættir gargandi snilld, Auddi er alveg frábær í þessu og hefur tekist vel til hjá honum. Ég vona það sannarlega að það verði ráðist í gerð annarrar seríu. 

Talandi um Audda þá komu hann, Atli og Pétur Jóhann í heimsókn á Litlu jól hjá unglingahóp SKB (sem ég er með). Þeir voru alveg yndislegir strákarnir svo eðlilegir lausir við stjörnustæla. Þeir sögðu okkur skemmtilegar sögur og spurðu krakkana hvað þá langaði í í jólagjöf og fleira.  Andrúmsloftið var þægilegt og gott. Þetta gerðu þeir fyrir okkur án þess að taka krónu fyrir. Húrra fyrir þeim:)

Annars er maður bara heima með Lasarusinn. Í fréttum er það helst.

d.

Bara heima...

..já er heima í dag með litla Lasarusinn minn. KÝ sefur núna svo ég hef tækifæri til þess að skrifa nokkur orð.

Það sem hæst ber um þessar mundir:

• Allar þessar óléttu konur í kringum mig!
• Öll þessi nýfæddu börn!
• Uppgvötun WC hjá KÝ
• Londonferðin í næstu viku, jibbí!
• Skólinn (amk smá)
• Átakið með Birnu (það er sko alveg alvöru átak núna)
• Viðverandi blóðleysi og síþreyta.

Ef þið viljið fá nánar um eitthvað af þessu þá látiði vita í komment;) Þetta gætu allt verið fínar sögur sko...:p

d.

Sjáðu ég sagði það

Kannist þið ekki við að það kemur eitthvað upp og þið segið; Já ég sagði það! Og einhver horfir á ykkur og segir: Já er það. Og þið sjáið á viðkomandi að hann trúir ykkur alls ekki. Þetta er aðalástæða fyrir því sem ég skrifa hér á eftir.

Ég hef svo mikið verið að velta fyrir mér framtíð fjölmiðla. Mín kenning er að eftir nokkur ár verði ekki til sjónvarpsstöðvar í því formi sem þær eru í dag. Heldur verða netsíður sem munu geyma þætti sem hægt verður að hala niður og annað hvort að kaupa eða fá frítt. Allt eftir því hvers kyns efnið er. Nútímafólk vill stjórna tíma sínum og ákveða sjálft hvenær það horfir á sjónvarp, eftir að myndbandstæki liðu undir lok (eða hérumbil) þekki ég engan (nema þá ömmu) sem tekur upp efni. Því væri þetta kjörið og þannig þyrfti fólk ekki að bíða í heila viku eftir uppáhaldsþættinum sínum, heldur gæti það safnað upp nokkrum og horft þegar hentar og tími gefst til. Í Ameríku eru þeir komnir langt í þessu en afruglar þar bjóða upp á að þú getir sett upp þína eigin dagskrá. Þú velur af hinum og þessu stöðvum og svo geymir afruglarinn þá þætti eða bíómyndir sem þú óskar eftir, og horfir þegar þú hefur tíma. Mér finnst þetta góð þróun og vona sannarlega að þróunin verði í þessa átt en það verður framtíðin að leiða í ljós. En þá get ég alltaf átt þessa færslu og sagt. Sjáðu ÉG sagði það!

Dónafólk

 

Mér leiðist ekkert lítið fólk sem flautar á mann í tíma og ótíma. Í morgun þegar ég var á leiðinni í skólann var maður fyrir aftan mig ALLA Miklubrautina og gerði ekki annað en að flauta. Ég var ekki alveg að fatta hann og eina ástæðan sem mér dettur í hug fyrir flautinu er að honum hafi fundist ég keyra of hægt. Ég var samt á 60 og aðstæðurnar voru hræðilegar. Hálka og fullt af snjór! Mér finnst þetta bara argasti dónaskapur get ekki sagt annað. Þetta stressaði mig mikið og það var ekki laust við að ég fengi kökk í hálsinn og gráti næst.

 

d.

Eg þoli ekki...

...þegar kennarar geta ekki skilað af sér prófum á réttum tíma. Einkunn úr fyrsta prófinu sem ég tók er ekki ENN komin! Er alveg eins og geðveik kona að refresha á mínútu fresti, ski þetta bara ekki allt annað er komið. Það versta við þetta er að á meðan það eru engar einkunnir eru ENGIN námslán:( buhhhhhhhhhh

 

d.

Hún á afmæli í dag:)

Litla dúllan ´mín á afmæli í dag, orðin 2ja ára!! Ótrúlegt en satt, skil ekki hvað tíminn líður hratt. Við vöktum hana í morgun og gáfum henni afmælispakka. Ekkert smá stór pakki það, enda tvíhjól á ferðinni.

d.

 

 

Gleðileg jól...

Elsku vinir:)

 

Vildi óska ykkur gleðilegra jóla og farsældar á komandi ári:) ´

Ég horfi á kortin hér á borðinu. Ekki tókst að koma þeim í tæka tíð, eitthvað hlaut að verða undir svona þegar maður skipuleggur jólin á tveimur dögum:p... En þið megið eiga von á þeim á milli jóla og nýárs:)

Knús og kossar

Dögg og co.