... fljótt og gott ...

... mér datt í hug hvort þið nennið að setja góðar uppskriftir í komment hjá mér. Þær þurfa að vera bæði góðar og fljótlegar;) Það er nefnilega svo margt sem maður heldur að sé fljótlegt en er það ekki. Hver kannast ekki við að ætla að hafa eitthvað einfalt í matinn og hugsa: " ég hef grjónagraut" og standa svo við pottinn í klukkustund og hræra svo grauturinn brenni ekki í botninn! Vúbbs ...

Birti eina hér fyrir ykkur:

Fyrir fjóra

4-6 Bringur (eftir því hvort það séu karlar sem borða yfirleitt meira en eina)
Rautt pestó
Feta ostur með olívum og sólþurrkuðum tómötum.
Smá olía á pönnuna

–         Stilla ofninn á 200
–         Loka bringunum á pönnu og krydda vel með kjúklingakrydd
–         Hella fetaostkrukkunni allri (líka olíunni) í eldfast mót
–         Kjúklinginn ofan í
–         Bera pestó á hverja bringu fyrir sig. Svolítið þykkt lag.
–         Setja í ofn og elda í 45 mín eða þar til bringurnar eru tilbúnar (fer kannski svolítið eftir þykkt).
–         Ég set álpappír í lokin ef mér finnst þær vera að dökkna.

Ég hef yfirleitt kartöflubáta, spínat, krisuberjatómata, furuhnetur, balsamic-edik og eitthvað gott með þessuJ … stundum hvítlauksbrauð líka:p þetta hefur slegið þvílíkt í gegn hjá mér bæði í matarboðum og í saumó;)

Hlakka til að sjá ykkar uppskriftir í kommentum! (megið ekki fá mína nema þið setjið eitthvað frá ykkur í staðinn .. ahahah).

knús yfir og góða helgi!

d.

Athugasemdir

[Lady Bee (IP-tala skráð) 1.2.2008 kl. 17:12]

Þessi uppskrift er ú uppáhaldi hjá mér í dag

http://www.hamstur.com/article.php?cat=24&artid=471

[Birna Björnsdóttir (IP-tala skráð) 4.2.2008 kl. 12:37]

Hér er ein góð :  Blanda saman mable sírópi og grænu pestó í skál og hellið yfir bringurn í eldfastmót ( ef þið hafið tíma þá er gott að láta þetta liggja saman í klst) eldað í rúman hálftíma. Meðlæti er spínatpoki -allur steiktur á pönnu m grófu salti og smá olíu. Ferskt pasta með spínatfyllingu er borið fram með þessu og einnig rjómaostur m kryddblöndu( er bræddur út í mjólk og hellt yfir pastað og spínatið. Sjúklega gott!!!!!!!

[Ýrin, 6.2.2008 kl. 18:19]

Þessi er geggjuð og einföld!

4 bringur settar í eldfast mót. 3 dl. af tómatsósu og 3 tsk. af karríi hrært saman og hellt yfir bringurnar, eldað í 30 mín. 1 pela af matreiðslurjóma blandað saman við og eldað aftur í 30 mín.

Þessi réttur er frá Herdísi vinkonu, klikkar aldrei. Allir eru vitlausir í hann, börn og fullorðnir.

Annar góður; 2 dl. af apríkósumarmelaði, 1 dl. af sojasósu og 2 dl. af bariqusósu blandað saman í potti við vægan hita. Þegar þetta hefur blandast vel saman er þessu hellt yfir bringur/bita og hitað í ca. klst. Alveg klassískur:)